"Lè Ou Devye". Guerdie Dumé

 

Lè ou gen yon rèv, yon chemen klè,

Chak pa se yon vwa ki mennen w pi pre.

Men, nan mitan wout, ou jwenn yon baryè,

Yon vwa, yon pawòl ki fè w devye, fè w pè.

Zanmi ka di w "Sa a twò riske, sa a pa pou ou",

Pèsonn pa kwè nan fòs ou, nan sa w ka fè.

Chak kout je se yon gwo chay,

Ki fè w doute, ki vle fè w sispann, sa fè w anvi kanpe.

Men, nan fon kè w, yon limyè klere,

Li di w kontinye, menm si w'ap bite, menm si w fè erè.

Piske se rèv sa a, ou gen pou pouswiv,

Pou w ka simaye li, pou w ka viv.

Fò w kenbe vwa a ki sòti nan fon nanm ou,

Lè tout moun chwazi fè w tounen dèyè.

Paske sou wout sa a, ou pral jwenn fòs

Pou depase tout baryè, tout moun ki pa konprann ou.

Se konsa w aprann: pafwa w devye,

Men fòs ou toujou pi gwo, pa janm bliye.

Rèv ou a bèl, li klere tankou solèy,

Sèvi ak tout sa w genyen, pa janm kite moun fè w chanje chimen w.

                                                           Guerdie Dume